Shqipëria dhe Maqedonia e Veriut nënshkruan sot marrëveshjen për shkëmbimin tregtar të produkteve bujqësore. Ministrat e të dy vendeve, Bledi Çuçi dhe Arjan Hoxha, firmosen dokumentin në fushën fitosanitare, që ndihmon në krijimin e një korridori të lirë për qarkullimin e produkteve në të dyja vendet.
Çuçi theksoi se ky bashkëpunim është një hap drejt iniciativës strategjike të shengenit ballkanik për zhvillimin e rajonit.
Tirana dhe Shkupi po shqyrtojnë edhe dy marrëveshje të tjera, që lidhen me menaxhimin e përbashkët të peshkimit në liqenin e Ohrit dhe Prespën e Madhe si dhe për tregtimin e kafshëve të gjalla dhe produkteve me origjinë shtazore.
The post Marrëveshje për produktet bujqësore/ Korridor i lirë mes Shqipërisë dhe Maqedonisë së Veriut appeared first on Vizion Plus.
