Katër persona janë plagosur si pasojë e një aksidenti të rëndë që ndodhi këtë të premte paradite në aksin Shkodër-Lezhë.
Tre makina janë përfshirë në aksidentin pranë fshatit Kakarriq.
Të gjithë të plagosurit kanë qënë në një mjet, drejtuesi dhe tre pasagjere.
Në aksin rrugor Shkodër-Lezhë, në kryqëzimin e fshatit Kakarriq, janë përfshirë në aksident rrugor mjetet me drejtues shtetasit B.P., E.N.,dhe Z.C., ku për pasojë kanë marrë dëmtime dhe janë transportuar në spitalin Rajonal Lezhë, drejtuesi i mjetit shtetasi B.P.,dhe 3 pasagjerët në këtë mjet.Drejtuesit e dy mjeteve të tjera shtetasi E.N.,dhe shtetasja Z.B.,janë shoqëruar në Komisariatin e Policisë Lezhë, për veprime të mëtejshme.Grupi hetimor në vendngjarje punon për sqarimin e plotë të shkakut dhe rrethanave të ngjarjes.
