Përleshja me armë, lëva dhe sende të tjera të forta mes shqiptarëve të Shqipërisë dhe atyre nga kosova që la pas 8 të plagosur në Triesta (mes të cileve dy janë rëndë) ka ndodhur për arsye pune.
Konflikti masiv ndodhi pranë një lokali në qëndër të Triestes, në rrugën Carducci.
Dy persona që u përpoqën të arratiseshin u ndaluan pas disa orësh kërkimi pranë Gorizia.
Dy prokurorë po punojnë për këtë çështje. Aktualisht, hipoteza e një krimi të konfiguruar është tentim vrasje me përdorimin e armëve të zjarrit. Të gjithë personat e plagosur i përkasin njërit prej dy fraksioneve rivale, të punëtorëve kosovarë dhe shqiptarë, të cilët u përballën me njëri -tjetrin këtë mëngjes në rrugën Carducci.
Arsyet e “luftes” nuk janë ende plotësisht të qarta. Po hetohet për të kupotuar nëse ka pasur cështje të pazgjidhura në muajt e fundit mes këtyre grupeve pasi rezulton se kohët e fundit ka pasur disa akuza të ngritura kërcënime dhe përndjekje për të cilat ishin hapur edhe procedime penale, pikërisht për anëtarë të këtyre grupeve.
Pritet që edhe dëshmia e dy të arresturave të ndihmoje hetuesit për zbardhjen e kësaj ngjarje të rëndë por edhe për të identifikuar të gjithë personat e përfshirë në këtë sherr masiv me armë dhe sende të forta.
Hetimet gjithashtu do të duhet të sqarojnë origjinën e armëve të përdorura në konflikt.