Ish kryeministri Sali Berisha ka dalë sot në një konferencë për mediat ku ka folur mbi vendimin për legalizimin e kanabisit në Shqipëri.
Gjatë fjalës së tij, Berisha theksoi se është i vetëdijshëm që vaji i kësaj bime apo nënprodukte të tjera përdoren për lehtësimin e disa rrethanave, ankthit dhimbjeve. Ish kryeministri u shpreh se se legalizimi i kanabis në Shqipëri, do të thotë të shkelmosh reputacionine këtij vendi.
“Unë në formimin tim si mjek, por dhe si politikan kam lexuar gjerësisht për kanabisin. Jam plotësisht i vetëdijshëm se vaji i kësaj bime apo nënprodukte të tjera përdoren për lehtësimin e disa rrethanave, ankthit, dhimbjeve. Në këtë kontekst të dhëna nga mjeku nuk kam ndonjë kundërshi, por studimet e gjera të universiteteve më prestigjoze të botës kanë faktuar se kanabisi krijon probleme serioze strukturore dhe ne procesin e trurit. Kanë faktuar se shumëfishon shfaqjen e format e psikozave më të rënda. Kanë faktuar se i jep ndryshime strukturore në trurim e përdoruesve. Është i dëmshëm për sistemin e zemrës dhe qarkullimin e gjakut. Kanabis ka të paktën në përbërjene saj mbi 50 lënë kimike. Të legalizosh kanabisi në Shqipëri, vendi i etiketuar në mënyrë të përsëritur në mediat botërore si Kolumbi e Europës apo kanabistan do të thotë të shkelmosh reputacionin e këtij vendi”, tha Berisha.
Sipas tij, Rama për shkaqe personale zgjedh kanabisin për ta bërë simbol të shqiptarëve.
“Vendimi i tij është një akt shumë i pamenduar pasi iu garantoj që dëmton procesin e integrimit të Shqipërisë në BE
Për Europën, për vendet fqinje, kanabisi shqiptar është krim krim dhe vetëm krim”, tha Berisha.
