Paraditen e sotme Kuvendi i Shqipërisë do të zhvillojë sseancën e radhës.
Punimet do të nisin në orën 10.00 dhe seanca është parashikuar të nisë me një interpelancë që deputeti Vangjel Dule ka kërkuar me kryeministrin Edi Rama. Interpelanca është kategorizuar si “e zakonshme” dhe objekt ka politikat e qeverisë në lidhje me respektimin e të drejtave të minoriteteve.
Po ashtu, në rend dite do te jetë dhe ratifikimi i marrëveshjes mes Shqipërisë dhe Mbretërisë së Bashkuar për ekstradimet.
“Projektligj “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Mbretërisë së Bashkuar të Britanisë së Madhe dhe Irlandës së Veriut, për ripranimin e personave dhe protokollit zbatues të marrëveshjes”, thuhet ndër të tjera në dokumentin për njoftimin e seancës plenare.