KPA shkarkon nga detyra prokurorin Besim Hajdarmataj

Shkarkohet nga detyra prokurori Besim Hajdarmataj. Në vendimin e tij, Kolegji i Posaçëm i Apelimit deklaroi se Hajdarmataj ka mungesë burime financiare të ligjshme.

Trupa e sotme gjykuese u kryesua nga Rezarta Schuetz, me relator Ardian Hajdarin dhe anëtarë Albana Shtyllën, Ina Ramën dhe Sokol Çomon.

Në seancën e zhvilluar më 16 korrik në KPA, kur u shpalosën konkluzionet,  Hajdarmataj u akuzua se ka cenuar rëndë besimin e publikut të sistemi i drejtësisë.

Ai u akuzua se ka kryer deklarim të pasaktë dhe të pamjaftueshëm për kriterin e pasurisë dhe nuk e justifikon atë.

Kujtojmë që Komisioni i Pavarur i Kualifikimit e konfirmoi në detyrë, ish-Prokurorin e Krimeve të Rënda, ndërsa, ONM sugjeroi shkarkimin e tij nga detyra.