Autoritetet shëndetësore në Kosovë kanë njoftuar të enjten se nga sëmundja COVID-19, kanë vdekur edhe katër persona.
Rastet e vdekjes janë nga komunat: Suharekë 2 raste, dhe me nga një rast Drenasi dhe Lipjani.
Instituti Kombëtar i Shëndetësisë Publike tha se ka regjistruar edhe 279 raste të reja me koronavirus, bazuar në 1.775 mostra të testuara.
Nga sëmundja janë shëruar edhe 441 pacientë, ndërsa raste aktive janë 5.401.
Advertisement
Marrë parasysh të dhënat e fundit, që prej shfaqjes së rasteve të para me koronavirus në Kosovë më 13 mars 2020 dhe deri më tani, janë regjistruar 54.839 raste me COVID-19, prej të cilëve 48.046 janë shëruar ndërsa 1.392 kanë vdekur.
