Njëqind e një persona janë arrestuar gjatë një mega-operacioni në Katania të Italisë pasi akuzohen si pjesë e një grupi të strukturuar kriminal në trafikun e drogës.
Autoritetet kanë publikuar video, ku duken qartë pjesëtarët e grupit duke trafikuar lende narkotike me kallashnikov në duar.
Mediat vendase bëjnë të ditur se banda që operonte në fushën e narkotikëve kishte rreth 12 pika ku zhvillonte trafikun në një mënyrë të strukturuar.
Sipas informacioneve, organizata kriminale përbëhej nga disa grupe që drejtoheshin nga një klan mafioz i Cosa Nostras.
Operacioni i titulluar “Skënderbeu”, mori këtë emër, pasi udhëheqësi i organizatës kriminale, Lorenzo Schillaci, tashmë i arrestuar, identifikohej me heroin tonë kombëtar. Por ende nuk është e qartë pse kreu i organizatës kishte këtë pseudonim.
Në operacion morën pjesë rreth 400 efektivë policie, ndërkohë që dyshohet se mes të arrestuarve ka edhe shqiptarë.