Tre të rinj, në bashkëpunim me njëri-tjetrin, vidhnin bateritë e makinave në Tiranë.
Pasi u sinjalizua për rastet e vjedhjes, policia organizoi operacionin e koduar “Bateristi”, gjatë të cilit u vunë në pranga dy prej autorëve, A. M., 26 vjeç dhe E. A., 25 vjeç.
Kurse autori i tretë, një 21-vjeçar me inicialet E. Rr., u shpall në kërkim. Ata kanë kryer gjashtë vjedhje, kryesisht në fillim të shtatorit.
Më datë 08.01.2021 kanë vjedhur 4 bateritë e mjetit kamion në pronësi të shtetasit B. A;
Më datë 21.05.2021 kanë vjedhur bateritë e mjetit karrotrec në pronësi të shtetasit D. A;
Më datë 01.09.2021 kanë vjedhur bateritë e mjetit kamion në pronësi të shtetasit A. O;
Më datë 01.09.2021 kanë vjedhur bateritë e mjetit kamion në pronësi të shtetasit Q. Ll;
Më datë 01.09.2021 kanë vjedhur bateritë e mjetit kamion në pronësi të shtetasit Sh. D;
Më datë 02.09.2021 kanë vjedhur bateritë e mjetit kamion në pronësi të shtetasit M. B.
Në cilësinë e provës materiale u sekuestruan 23 bateri makinash, si dhe automjetet e përdorura nga autorët për realizimin e vjedhjeve, një tip “Ford” dhe një tip “Smart”.
.
