Rajoni i Ballkanit do të përfshihet si rrallë herë nga masa ajrore me origjinë arktike të cilat do të sjellin reshje dëbore deri në bregdet dhe temperatura të acarta.
Sherbimi meteorologjik ushtarak ben te ditur se reshjet e debores pritet te bien ne bredget dhe zonat e uleta diten e shtune dhe te diele kur temperaturat do te zbresin shume nen zero.
Dita e Premte parashikohet me mot të kthjellët dhe shtim gradual të vranësirave në mbrëmje.Dita e Shtunë parashikohet me reshje shiu që në orët e para të 24-orëshit me intensitet të ulët. Në lartësitë mbi 200 metër reshje dëbore. Në mesditë e kryesisht pasdite reshjet e shiut do të kthehen në reshje dëbore në pjesën më të madhe të territorit duke arritur deri dhe në kuotat nivel deti. Kjo situatë do të vijoj të mbetet prezente edhe gjatë ditës së Diel me reshje dëbore të herëpashershme me intensitet të ulët dhe mesatar.Nga dita e Hënë deri ditën e Enjte parashikohet mot i kthjellët me temperatura të acarta.
Sipas SHMU-se, ngricat e forta që do të jenë prezente për ditë me rradhë në të gjithë territorin mund të sjellin probleme në të gjitha akset rrugore.
