Ambasadori gjerman Peter Zingraf zhvilloi një tur me gazetarët në qytetin e Korçës për të parë nga afër ecurinë e investimeve gjermane.
Ndalesa e parë ishte në impiantin e pastrimit të mbetjeve të ngurta në Buçimas, ku me një fond prej 10 milion eurosh vijon puna për eliminimin e fosforit dhe nitratit në ujërat e liqenit të Ohrit.
VALJONA SARO
PËRGJEGJËSE E FINANCIMEVE TË HUAJA
“Pasi ndahen inertet që janë pjesët më të rënda në ujë, ai kalon në një proces trajtimi biologjik dhe pas trajtimit realizohet trajtimi përfundimta, që është trajtimi kimik me kimikatin FeSlCl 4, i cili bën të mundur eleminimin e fosforit.”
Advertisement
Më tej, ambasadori Zingraf u ndal në landfillin në Maliq, ku bëhet menaxhimi i mbetjeve urbane.
Në fokus të ambasadës, por edhe të GIZ, ishin gjithashtu projekte të ndryshme për shfrytëzimin e energjisë, ndryshimet klimatike dhe mbrojtjen e bukurive natyrore.
SONJA KURZ
DREJTORE E PËRGJITHSHME E GIZ NË SHQIPËRI
Advertisement“Po implementojmë projekte në vende të ndryshme në Shqipëri, në zhvillimin ekonomik duke përfshirë punësime në sektorin e turizmit dhe agrokulturës. Po merremi edhe me ndryshimet klimatike, energjinë, menaxhimin e mbetjeve dhe të ujit. Ne përpiqemi të ndihmojmë bizneset e reja që t’ia dalin duke bërë psh trajnime për energjinë diellore.”
Turi i ambasadorit gjerman në Tiranë u mbyll me një vizitë në ishullin e Maligradit.
KLEVISA GJIKA
GAZETARE-VIZION PLUS
Advertisement
“Në Turan të qytetit të Korçës prej më shumë se një viti qytetarët e kësaj zone, por jo vetëm kanë mundësi të shijojnë hipizmin dhe kjo ka bërë që qytetarë nga mbarë bota të vërshojnë dhe ta frekuentojnë.”
Naz Beren dhe Hamid Sakhavat nga San Diego i Kalifornisë janë të mahnitur nga bukuritë e natyrës shqiptare. Ata i takuam në Turan të Korçës.
TURISTE
“Mikpritja është e papërshkrueshme dhe ushqimi është fantastik.Këtu mund të lëvizësh nga fshati në fshat me kalë dhe për ne është inetresante. Më vonë hamë drekë dhe kthehemi sërish.”
Projekte të tilla që i shërbejnë edhe promovimit te Shqipërisë janë mbështetur financiarisht nga qeveria gjermane përmes GIZ.
