Pas 5 orësh, përfundon marrja në pyetje e kryebashkiakt të Fierit, Armando Subashi, i cili u thirr sot nga SPAK si deklarues në kuadër të hetimit për inceneratorin e Fierit.
Subashi u paraqit në ambientet e SPAK prej mesditës së sotme në cilësinë e deklaruesit, ku dëshmoi për veprimet e tij ne lidhje me inceneratorin e Fierit.
Advertisement
Në pyetje nga SPAK në lidhje me këtë aferë është marrë edhe deputeti i PS-së, Alqi Bllako. Ky i fundit ka qenë Sekretar i Ministrisë së Mjedisit gjatë periudhës kur janë miratuar lejet për inceneratorët dhe firma e tij rezulton në një numër të madh dokumentesh.
