I përfshirë në dy vjedhje, arrestohet 37-vjeçari në Vlorë

Një 37-vjeçar është arrestuar paraditen e kësaj të shtune në lagjen “24 Maji” të qytetit të Vlorës.

37-vjeçari, sipas njoftimit zyrtar ishte i përfshirë në dy vjedhje.

Ai kishte vjedhur një varëse  floriri, me vlerë rreth 500 euro si dhe bi si dhe biçikletën e një qytetari.

“Shërbimet e Komisariatit të Policisë Vlorë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë penale, bazuar edhe në informacionet e siguruara nga inteligjenca informative, organizuan dhe finalizuan me sukses operacionin policor të koduar “Storm 23,” si rezultat i të cilit u vu në pranga shtetasi:

– L. S., 37 vjeç, për veprën penale “Vjedhja”.

Nga veprimet hetimore, ky shtetas dyshohet si autori i 2 rasteve të vjedhjes në lagjen “24 Maji” të qytetit të Vlorës, konkretisht:

1. Më datë 28.07.2024, në lagjen “24 Maji”, dyshohet se i ka vjedhur varësen e floririt, me vlerë rreth 500 euro, një shtetaseje;
2. Më datë 01.08.2024, në lagjen “24 Maji”, dyshohet se ka vjedhur biçikletën e një shtetaseje.

Vijon puna për dokumentimin e vjedhjeve të tjera që mund të jenë kryer nga 37-vjeçari. Materialet procedurale i kaluan Prokurorisë për veprime të mëtejshme”, thuhet në njoftim. /vizionplus.tv