Gruri, në ara e në hambare/ Fermerët nuk po e shesin dot për shkak të çmimit të ulët

Këtë sezon të prodhimit të grurit, fermerët po përballen si me çmimin e ulët të produktit në treg ashtu edhe me mungesën e magazinave.

Fermerët e Divjakës e cilësojnë si vitin më të vështirë dhe pohojnë se çmimi aktual po u shkakton humbje.

FRANC KALOSHI

 

FERMER

 

Advertisement

Çmimi i grurit sot është 25 lekë për kilogramë. Me këtë çmim shitje humbjet janë të pallogaritshme krahasuar me kostot e të mbjellave, mungojnë depot e magazinimit.

I njëjti shqetësim është edhe për fermerët në fushën e Maliqit në zonën e Korçës. Fuat Orhan thotë se këtë vit të gjithë sasinë e prodhuar e ka magazinuar, pasi çmimi është shumë i ulët.

FUAT ORHAN

 

Rendimenti për hektar është më i ulët se një vit më parë dhe ajo që është më kryesorja çmimi për kg nuk justifikon as koston e prodhimit.

E njëjta situatë është edhe për fermeret në fshatin Drithas

Në fushën e Maliqit këtë vit janë mbjellë 4000 hektarë me grurë, nga 3400 që ka pasur një vit më parë. Nëqoftëse vitin e kaluar ka pasur një rendiment nga 50 deri në 60 kv për hektar, këtë vit rendimenti mesatar nuk ka shkuar më shumë se 40 kv për hektar.