Grupi parlamentar i PS vendos sot për fatin e mandatit të deputetit Ornaldo Rakipi

Vetëm të martën në mbledhjen e grupit paralementar të socialistëve do të mësohet se cili do të jetë qëndrimi i mazhorancës qeverisëse për Ornaldo Rakipin.

Nga e hëna, kur departamenti amerikan i thesarit e futit të atin e tij, ish deputetin e PDIU-s, Aqif Rakipin në listën e zezë të sanksioneve financiare, Partia Socialiste nuk është shprehur zyrtarisht.

Pas mbledhjes së të martës, socialistët pritet të dalin me një qëndrim, nëse deputeti i qarkut të Tiranës, 27 vjeçari Ornaldo Rakipi do të largohet nga grupi parlamentar i socialistëve apo mund t’i kërkohet  ose jo lënia e mandatit të deputetit.

Vetë ai është shprehur se nëse do të jetë e nevojshme apo nëse partia e tij do t’ia kërkojë, do ta lë karrigen e deputetit.

 

ORNALDO RAKIPI

DEPUTET I PS

 

Advertisement

google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

Po jam super i gatshëm, babai im është super i pastër, akuzohet për diçka skandaloze.

 

Ornaldo Rakipi u rendit i 30 në listen e kandidatëve për deputet në qarkun e Tiranës. Ai arriti të thyejë herësin prej mbi 10 mijë votash duke fituar karrigen e deputetit.

Në rast të largimit të një tjetër socialisti nga lista fituese, mandatin e deputetit e merr Dallëndyshe Bici, që detyrë të fundit pati si ish zëvendës ministre e mbrojtjes.

Fati i Ornaldo Rakipit nuk do të jetë i vetmi që do të diskutohet në mbledhjen e socialistëve por edhe ai i presidentit të ri.

Deputetëve i është kërkuar që të propozojnë tre kandidatura për pasuesin e Ilir Metës dhe në ditët në vazhdim ato pritet t’i dorëzohen kryetarit të grupit parlamentar të socialistëve, Taulant Balla.

Deri në 24 maj, kur do të jetë shpallur edhe kalendari i veçantë për zgjedhjen e presidentit të ri, mazhoranca qeverisëse është angazhuar për zyrtarizimin e kandidaturës apo kandidaturave.

Mundësia e një presidenti konsensual duket e largët, për aq kohë sa Partia Demokratike është e përçarë mes mbështetësve të Sali Berishës dhe të Lulzim Bashës.

Në deklaratat e tij, kryeministri Edi Rama e ka bërë të qartë se socialistët i zotërojnë votat për ta zgjedhur të vetëm presidentin dhe se bashkëpunimi me Komisionin e Rithemelimit të Sali Berishës është një mundësi që nuk ekziston.