Lesley Maxwell, gjyshja 64 vjecare, e komentuar shumë së fundmi në rrjet për format e saja trupore, ishte e ftuar sot ekskluzivisht për emisionin ‘’Vizioni I Pasdites’’, në Vizion Plus.
Australiania e lindur në Melburne, rrëfeu se në moshën 49 vjecare, pas divorcit me bashkëshortin, filloi ta merrte veten seriozisht dhe të kujdesej më shumë për trupin dhe pamjen e saj të jashtme.
‘’Pas ndarjes zbulova se stërvitja dhe fitnesi ishte ajo cfarë unë pëlqeja të bëja dhe fillova të përmirësoja veten, trupin dhe shëndetin tim. Kur fillova të transformoj trupin tim u bëra dhe trajnere fitnesi. Dua të jem një shembull i mirë për të gjitha femrat’’, u shpreh ajo.
Fituesja e 30 titujve në kompeticionet e ‘’body scultping’’, tregoi se në dietën e saj përfshiheshin vetëm proteina dhe uhqime të pastra, pa sheqerna.
E pyetur nga moderatoja e emisionit Evi Reci, se cfarë komentesh merr ajo në rrjetet sociale, trajnerja e fitnesit tha se si femrat, ashtu edhe meshkujt e komplimentojnë shumë, pavarësisht se meshkujt janë pak flirtues.
‘’Kam marrë shpesh propozime për martesë, por mendoj se meshkujt duan të martohen me mua sepse duan t’I mësoj si të bëjnë ‘squats’’’, u shpreh 64 vjecarja.
Mesazhi që Lesley përcolli gjatë intervistës së saj ishte se ‘’duhet të harrojmë moshën që kemi, mos të vendosim një numër, sepse ajo cka është më e rëndësishme është se sa vjec ndihet trupi ynë’’.