Operacioni Forca e Ligjit e mbylli misionin e tij më 31 dhjetor të vitit të shkuar, por të gjitha çështjet që ajo ka plotësuar do shqyrtohen nga Struktura e Posaçme Anti Korrupsion dhe Gjykata Kundër Krimit të Organizuar.
Ishte 16 dhjetori, dita kur OFL dërgoi formularët e fundit të deklarimit të pasurive, por në të njëjtën datë përmes një Akti Normativ u vendos që të shtyhet afati i shqyrtimit të kërkesave nga SPAK dhe gjykata e posacme
Në total formularët për deklarimin e pasurive e kanë marrë afro 600 persona të dënuar.
Ndërsa SPAK ka kërkuar në gjykatë konfiskim e 45 pasurive, por vetëm 11 prej tyre kanë kaluar në favor të Agjencisë së Administrimit të Pasurive të Sekuestruara dhe të Konfiskuara.
Mësohet se ende në fazë shqyrtimi janë edhe 56 kërkesa të tjera për konfiskim pasurie.
Nga ana tjetër gjykata e posacme ka hequr sekuestron për të paktën 9 pasuri, pasi nga verifikimet ka rezultuar se janë krijuar në mënyrë të ligjshme dhe jo nga të ardhura që burojnë nga aktivitetit kriminal.