Në fshatin Valas të Elbasanit është shfaqur një vatër zjarri rreth orës 11:30, e cila ka marrë përmasa shumë të mëdha më pas.
Situata është kthyer në problematike, pasi flakët kanë përfshirë sipërfaqe të konsiderueshme me ferra e shkurre si edhe disa hektarë me ullishta të reja dhe masive me drurë frutorë.
Në vendngjarje kanë shkuar dhjetëra punonjës të shërbimit zjarrëfikës të Elbasanit dhe Cërrikut, të cilët po punojnë për izolimin dhe shuarjen e flakëve. Paraprakisht dyshohet që zjarrvënia ka qenë e qëllimshme. /vizionplus.tv
Advertisement
