Kandidati i koalicionit “Bashkë Fitojmë”, Fredi Beleri është zyrtarisht i arrestuar në flagrancë me urdhër të Prokurorisë së Vlorës.
Në procesverbal saktësohet se Fredi Beleri është vënë në pranga, pasi ka tentuar të blejë vota përmes shumave monetare. Arrestimi i tij ka ndodhur gjatë natës, ndërsa mbi të rëndon akuza për veprën penale, “Korrupsion aktiv në zgjedhje kryer në bashkëpunim”.
Advertisement
Fredi Beleri u arrestua nga uniformat blu mbrëmjen e djeshme, pak pas mesnatës, ndërsa qëndronte i shoqëruar nga disa persona të tjerë në lokalin e tij. Pikërisht, ky ka qenë dhe momenti ku sipas autoriteteve, Beleri po konsumonte veprën penale duke u përfshirë në shitblerje votash.
Advertisement
