Mali i Zi mbetet objektiv tërheqës për Moskën, dhe kjo është arsyeja pse Shtetet e Bashkuara (ShBA) dhe partnerët euroatlantikë duhet të shtojnë përpjekjet kolektive për të kundërshtuar veprimet armiqësore të presidentit rus Vladimir Putin, tha i dërguari i posaçëm i ShBA-së për Ballkanin Perëndimor, Gabriel Escobar.
Ai tha për gazetën malazeze “Vijesti” se e njëjta ideologji e gabuar po e shtynte Kremlinin të ngadalësonte dhe të parandalonte integrimin euroatlantik të Ballkanit Perëndimor.
Escobar u bëri thirrje të gjithëve në Ballkanin Perëndimor që ta mbajnë Putinin përgjegjës për vendimin e tij për të krijuar vuajtje çnjerëzore për popullin e Ukrainës.
“Ndërsa e gjithë kjo katastrofë humanitare shpaloset, ju duhet të pyesni veten për çfarë është gati Putini diku tjetër, përfshirë Ballkanin Perëndimor”, tha Escobar.