Policia ka zbardhur ngjarjen e regjistruar pak ditë më parë në zonën e Myslym Shyrit, ku u vodhën disa telefona.
Afrim Dulaj 43-vjeç është autori i kësaj vjedhje, sipas uniformave blu, ku edhe e kanë shpallur në kërkim.
Policia ka vënë në dispozicion 5 mijë euro shpërblim, për këdo që jep informacione të vlefshme për vendndodhjen e tij.
“Shpallet në kërkim një 43-vjeçar, si autor i dyshuar i kësaj ngjarjeje.
Shërbimet e Komisariatit të Policisë Nr. 2, në vijim të veprimeve për zbardhjen dhe dokumentimin e ngjarjes së ndodhur më datë 09.02.2024, në një dyqan celularësh, në rrugën “Myslym Shyri”, kanë vijuar hetimet e thelluara për identifikimin e autorit të rastit.
Si rezultat i punës intensive hetimore, u bë identifikimi dhe shpallja në kërkim e autorit të dyshuar, shtetasit Afrim Dulaj, i ditëlindjes 02.11.1980, banues në Tiranë.
DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij”.
Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118, duke garantuar anonimatin e plotë të çdo telefonuesi.