EMRAT/ Kush janë të arrestuarit e “Shpirti-t”

Katër grupe kriminale të trafikut të lëndëve narkotike nga Shqipëria drejt Europës u shaktërruan këtë të premte gjatë një superoperacioni të zhvilluar nga autoritetet shqiptare në bashkëpunim me ato italiane.

Në pranga përfunduan 28 persona, mes të cilëve zyrtarë të lartë, ish-drejtues policie por dhe nëpunës të adminsitratës publike. Arrestimet u bënë në qytetin e Vlorës, Kavajës, Durrësit, Tiranës e Skraparit, ku mes personave të ndaluar është dhe prokurori i Vlorës Maksim Sota, ish-oficeri i policisë në Vlorë, Festim Lelaj, i proceduar më parë gjatë kohës së ish ministrit Saimir Tahiri si edhe shefi i Sektorit të Trafiqeve në Drejtorinë e Përgjithshme, Ilir Balla si dhe Saimir Kurti drejtori i zyrës së Punës në Kavajës.

Sipas SPAK, këta zyrtarë të lartë mbështetsnin dhe lejonin trafikun e lëndëve narkotike kundrejt shumave monetare.

Ekzekutimi i operacionit ndërkombëtar u bë pas rrëfimit të katër pjestarëve të këtyre grupeve kriminae, të cilët vendoën të bashkëpunonin me drejtësinë. Po ashtu gjatë operacionit u sekuestruan dhe pasuri të palutajshme me vlerë rreth 3 mln euro.

VLADIMIR MARA
PROKUROR I SPAK
“Janë të paluajthsme 11 pasuri të paluajtshme dy restorante, hotele, supermarkete, troje, katër shoqëri tregtare dhe disa pasuri të tjera që kapin një vlerë mbi 3 mln euro. Janë pasuri të ardhura nga aktiviteti kriminal. Në Shqipëri janë evidentuar dhe dy episode të tjera të trafikimit të lëndëve narkotike. Dhe është dokumentuar veprimtaria e katër grupeve të strukturuara kriminale të cilat vepronin me grupe kriminale bareze apo të tjera të shtrira në Republikën e Italisë.”

Aksioni u shtri dhe në Itali, Spanjë dhe Mal të Zi, ku këto grupe kishin shtrirë aktivitetin e trafikut të lëndëve narkotike ndërsa hetimet nisën pas dy opercioneve të zhvilluara më herët nga autoritetet shqitare dhe ato italiane, ku ishin arrestuar 10 persona.

Në cilësinë e provës materiale u sekeustruan rreth 6 ton lëndë narkotike të llojit marijuanë, kokainë e hashish me vlerë mbi 55 milionë euro.

Me arrest në burg

Aleks Memaj

Jovan Memaj

Aleksandër Neço

Shkëlzen Kamberi

Benard Tahiraj

Mereglen Çaçi

Erind Hysomenaj

Klajdi Ademi

Toni Kushi

Erion Hoxhara