Regjistrohet fluks i lartë lëvizjesh në pikën e kalimit kufitar të Kapshticës.
Burime zyrtare pranë Drejtorisë së Migracionit dhe Kufirit bëjnë me dije se gjatë 24 orëve të fundit nga kjo pikë kanë hyrë e kanë dalë 3470 shtetas, duke regjistruar kështu edhe numrin më të lartë të lëvizjeve që prej hapjes të të dyja anëve të kufirit.
Nga shteti fqinj në drejtim të vendit tonë kanë hyrë 1814 shtetas të huaj edhe shqiptarë, të cilët vijnë për të kaluar pushimet në Shqipëri, ose për të takuar familjarët e tyre.
Ndërkohë, nga vendi ynë në drejtim të shtetit helen kanë dalë 1656 shtetas shqiptarë e të huaj. Për të përballuar fluksin e krijuar, pala shqiptare po punon me 4 sportele. Nga ana tjetër edhe në pikën e kalimit kufitar të Qafë Thanës fluksi i lëvizjeve vijon të jetë shumë i.larte lartë. Gjatë 24 orëve të fundit sipas të njëjtit burim kanë hyrë e kanë dalë nga kjo pikë 7497 shtetas.