Edi Rama feston sot ditëlindjen, ja sa vjeç mbush kryeministri

Kryeministri Edi Rama feston këtë të diel ditëlindjen. Rama mbush 57 vjeç, ndërsa dita e lindjes së tij përkon edhe me Ditën e Pavarësisë së Shteteve të Bashkuara të Amerikës

“Gëzuar 4 korrikun Amerikë ”, me këtë mesazh e nisi kryeministri ditën në rrjetet e tij sociale.

Edi Rama e nisi karrierën politike në 1998, kur u emërua si Ministër i Kulturës, Rinisë dhe Sportit, post që e mbajti për 2 vite. Në vitin 2000 ai u zgjodh për herë të parë kryetar i Bashkisë së Tiranës, ndërsa u rizgjodh në vitin 2003 dhe 2007.

Ndërkohë, në vitin 2013 Edi Rama u zgjodh kryeministër i Shqipërisë, ndërsa në vitin 2017 u rizgjodh në krye të qeverisë, teksa në zgjedhjet e 25 prillit ai mori edhe mandatin e tretë.