Zv.kryeministri shqiptar i Malit të Zi, Dritan Abazoviç është takuar me Papa Françeskun në Vatikan.
Ai ka publikuar një video nga vizita e tij, teksa shkruan se ka patur nderin që të zhvillojë një takim të tillë.
Abazoviç e ftoi Papa Françeskun që të vizitojë sa më shpejt Malin e Zi.
“Unë isha i vetmi zyrtar i lartë si i ftuari i nderit në Audiencën speciale të fundvitit që ka rëndësi unike për botën e krishterë. Në fund të saj, Ati i Shenjtë zbriti shkallët dhe më përshëndeti në mënyrë të veçantë. E ftova në Mal të Zi, i thashë se ne jemi një vend i veçantë i bashkëjetesës ndëretnike, ndërfetare, ndërgjuhësore. Unë vij nga Ulqini, ku ka një komunitet katolik që po vuan pasojat e kohës që jetojmë- emigracionin, mungesën e kuadrit fetar, etj. E ftova Atin e Shenjtë të vizitojë Malin e Zi prej nga vjen Emilio Ognjanovic. Papa tha se ‘kam dëgjuar për Malin e Zi nga vjen njeriu që më ka urdhëruar Peshkop’. Ai më dha bekimin për punët e mira që duam të bëjmë në shërbim të vendit tonë, të stabilitetit të vendit.”