Gjykata e Lartë vendosi të rikthejë për gjykim në Apel dosjen e ish-ministrit të Brendshëm, Saimir Tahiri. Këtë herë çështjen ta drejtojë një tjetër trupë gjykuese, duke miratuar kërkesën e avokatit të Tahirit, Maksim Haxhia.
Në reagimin e parë pas vendimit të Gjykatës së Lartë, Tahiri u shpreh:
SAIMIR TAHIRI
ISH-MINISTER I BRENDSHEM
“Do të ndjekim procedurën dhe do të shkojmë sërish në Gjykatën e Apelit”
Advertisement
Avokati Haxhia renditi shkeljet proceduriale që konstatoi Gjykata e Lartë. Sipas tij në Apel do të kërkohet sërish pafajësia për Tahirin.
MAKSIM HAXHIA
AdvertisementAVOKAT
“Ne kërkuam që çështja të zgjidhej në themel nga Gjykata e Lartë. Ajo e rrëzoi këtë kërkesë dhe u bazua vetëm në shkeljet procedurale. Kur flet Gjykata nuk ka të drejtë njeri të bëjë komente. Vendosi prishjen e vendimit për shkak të shkeljeve të rënda procedurale, që e cenonin vendimin”, tha avokati i Tahirit, Haxhia. “Ne do të kërkojmë pafajësinë. Ne jemi optimistë dhe të sigurt që drejtësia do të shkojë në vend, duke i dhënë Tahirit pafajësinë”.
Saimir Tahiri u dënua me 5 vite vite burg nga Krimet e Rënda për shpërdorim detyre. Por, pas gjykimit të shkurtuar ai përfundoi vetëm me shërbim prove.
Emri i ish-minstrit të brendshëm doli gjatë hetimevë të kryera nga prokuroria italiane ndaj bandës së Halilajve. Tahiri përmendej në bisedat mes trafikantëve gjatë përgjimeve të kryera nga hetuesit.
