Dhunuan barbarisht dy kushërinjtë, dalin para gjykatës 4 nga të arrestuarit në Borizanë

Katër persona të përfshirë në dhunën barbare të fisit Rraja kanë dalë këtë të dielë para Gjykatës së Tiranës, ku pritet t’iu caktohet masa e sigurisë. Eni Kulla, Kujtim Përdaku dhe Andi Rraja, Ineidi Rraja.

Ata akuzohen për veprat penale, “Plagosja e rëndë me dashje”, “Mbajtja pa leje e armëve të zjarrit”, “Moskallëzimi i krimit” dhe “Veprime që pengojnë zbulimin e të vërtetës”.

Deri më tani, policia ka vënë në pranga 8 persona dhe shpallur në kërkim 6 të tjerë, mes tyre dhe djalin e deputetit të dorëhequr të Partisë Socialiste, Rrexhep Rraja.

Anëtarë të fisit Rraja dhunuan barbarisht dy kushërinj të cilët kishin ngritur shqetësimin e tyre mbi punimet që po kryheshin në gurore.