Një cift bashkëshortësh kanë denoncuar pranë Vizion Plus zhdukjen e vajzës së tyre 14 vjece në Tiranë.
Aleksander Vaqo iu drejtua Vizion Plus duke shprehur shqetësimin për vajzën e tyre e cila që prej mbrëmjes së të dielës është larguar nga familja.
Për herë të parë Semiha Vaqo është parë në rrugën “Jordan Misja” në zonën e Don Boskos në Tiranë.
Babai i vajzës tha se ka informacion se ku ndodhet vajza minorene.
“Është larguar bashke me një djal 16 vjec. Kemi folur në telefon që të dielen në mbrëmje me babain e djalit dhe na ka premtuar se do të na e sjell vajzën, por deri tani, këtë të hënë paradite nuk e ka bërë. Kemi bërë denoncim në komisariatin numër 3 mbrëmjen e të dieles për këtë gjë por ende asnjë veprim”, u shpreh Aleksandër Vaqo.
Prinderit e vajzës minorene thanë thanë se dy adoleshentet njiheshin dhe kanë pasur shoqëri me njeri-tjetrin, mirëpo ata janë të trembur për fatin e vajzës së tyre.
