Dega e PD në Korçë u shkri, e drejtojnë nënkryetarët deri në shtator/ Salianji: Disa s’janë mësuar me sakrificën

Deputeti i Partisë Demokratike, Ervin Salianji dhe nënkryetarja e PD, Korçë, Ledina Aliolli zhvilluan një takim me strukturat në këtë qytet. Me udhëzim të PD është vendosur që drejtimi i degës së Korçës deri në muajin shtator të drejtohet nga 3 nënkryetarët e kësaj force politike. Ervin Salianji deklaroi se dega e Korçës vijon punën për ristrukturimin e saj, duke kujtuar se nga 146 seksione, vetëm në 15 prej tyre ka pasur dorëheqje.

ERVIN SALIANJI

DEPUTET I PD

Advertisement

google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

“Shumë njerëz nuk janë mësuar dot me sakrificën, shumë të tjerë janë ‘demokratë pushteti’ dhe nuk janë dot demokratë sakrificash dhe opozite. Ne duhet të qartësohemi nëse kemi kundërshtar Niko Peleshin apo kemi kundërshtar ndonjë nëpër lagje? A kemi kundërshtar ne Partinë Socialiste dhe Rilindjen që në mënyrë të përsëritur godet mundin dhe sakrificën e gjithë qytetarëve, por duke nisur nga demokratët? Të sqarojmë tani se 15 seksione kanë problematika që është larguar kryetari ose sekretari i seksionit nga 146 seksione që ka Partia Demokratike në Korçë. Padiskutim që rruga e cila duhet zgjedhur dhe zgjidhet është të ulemi dhe të flasim me njëri-tjetrin. Sepse cila është kërkesa? Të dëmtohet PD në opozitë?”

Për të vlerësuar sakrificat dhe kontributet e demokratëve që janë angazhuar në 8 vitet e Partisë Demokratike në opozitë, Salianji kujtoi se në Korçë, PD,  ka marrë një rezultat zgjedhor më të mirë se ai i vitit 2013.

ERVIN SALIANJI

DEPUTET I PD

“Nuk është e lehtë dhe kjo është mëse e kuptueshme të përballesh me një regjim. Por duhet thënë që Qarku i Korçës është qarku i katërt me rezultatin më të mirë në rang kombëtar për Partinë Demokratike. Përpara Korçës është vetëm Kukësi, Dibra dhe Lezha. Në 2013 ne ishim në pushtet, kishim njësitë të qeverisjes vendore, pothuajse të gjithë komunat e bashkisë së sotme të Korçës dhe kemi marrë diçka më shumë se 30% të votave.  Ndërkohë që në procesin e 25 prillit ne kemi marrë më shumë se 40%.”

Pas dorëheqjes së kryetarit të PD-së në Korçë, Andrea Mano dhe anëtarëve të Kryesisë, 51 kryetarë dhe sekretarë të grup-seksioneve dhanë gjithashtu dorëheqjen. Ata deklaruan se ishin  pakënaqur më drejtimin e Partisë Demokratike nga Lulzim Basha dhe në mungesë të reflektimit të tij, vendosë të largohen nga partia.