Departamenti Amerikan i Shtetit ka publikuar një raport për lirinë fetare në Shqipëri. Aty vihet theksi te problemet me pronat që kanë komunitetet fetare dhe vonesat më proceset gjyqësore.
“Qeveria legalizoi 92 ndërtesa në pronësi të grupeve fetare gjatë vitit, krahasuar me 164 në 2019, ndërsa statusi i 32 pronave shtesë mbeti nën shqyrtim. Korrupsioni, mungesa e njohurive për kompetencat dhe juridiksionin mbi çështjet e pronës dhe ngarkesat e mëdha në sistemin gjyqësor penguan aftësinë e komuniteteve fetare për të kërkuar pronën e tyre, sipas burimeve të shumta të shoqërisë civile. Komunitetet fetare vazhduan të shprehnin shqetësime në lidhje me kthimin e pronave, duke përfshirë dispozitat në ligj që u kërkonte atyre që të paraqisnin përsëri kërkesat e tyre në një forum të ri. Raportohen vështirësi të vazhdueshme në marrjen e lejes për të ndërtuar vendet e adhurimit, si dhe probleme në lidhje me tarifat e qeverisë komunale. Komuniteti Bektashi dhe Komuniteti Mysliman Shqiptar raportuan probleme në mbrojtjen e titullit për prona të caktuara.”
DASH thekson se ambasada amerikane u ka bërë thirrje zyrtarëve të qeverisë të përshpejtojnë procesin për kthimin e pronave bashkësisë fetare, të konfiskuar gjatë periudhës komuniste.
Në raport del në pah edhe se udhëheqësit fetarë kanë dhënë mbështetjen e tyre dhe pandemisë për të zbatuar rregullat anti-COVID, duke anuluar të gjitha tubimet dhe grumbullimet.
