Kryekomisioneri i Komisionit Qendror të Zgjedhjeve, Ilirian Celibashi ka regjistruar në zgjedhjet e 14 majit Partinë Demokratike me kryetar të komanduar, Enkelejd Alibeajn.
Celibashi zbatoi vendimin e KAS, institucion i cili “rrëzoi” atë.
“Për sa kohë KAS ka vendosur regjistrimin si subjekt zgjedhor, ngelet vetëm aplikimi dhe zbatimi i këtij vendimi. Ndaj vendosim regjistrimin të subjektit zgjedhor Partia Demokratike me nënkryetar Enkelejd Alibeaj nën cilësinë e kryetarit të komanduar të partisë për zgjedhjet e 14 Majit.
Kundër këtij vendimi lejohet ankim brenda tre ditëve në KAS dhe ky vendim hyn në fuqi menjëherë. “, tha Celibashi.
KQZ nuk pranoi regjistrimin e PD në zgjedhjet e 14 majit me argumentimin se autorizimi i lëshuar nga Lulzim Basha për delegim kompetencash ishte i paplotë. Por, ky vendim është rrëzuar nga KAS, i cili vendosi regjistrimin e PD në zgjedhje nën firmën e kreut të komanduar, Enkelejd Alibeaj.