“Basti i fundit”/ Policia aksion kundër lojrave të fatit në Korçë, procedohen 4 persona

Në kudër të operacionit “Basti i fundit” ka zhvilluar aksion kundër organizimit të lojrave të fatit në Korçë.

Nga aksioni policia ka proceduar penalisht 4 shtetas që ushtronin këtë veprimtari.

Lojrat e fatit organizoheshin nëpërmjet paisjeve celulare ose edhe me zare në tavolina të përshtatura.

Korçë

Vijon operacioni policor “Basti i fundit”, për goditjen e aktivitetit të paligjshëm në fushën e organizimit të lojërave të palejuara të fatit dhe informalitetit.

Advertisement

Procedohen penalisht në gjendje të lirë 4 shtetas që ushtronin këtë veprimtari.

Shërbimet e Komisariatit të Policisë Korçë, në vijim të operacionit policor të koduar “Basti i fundit”, për goditjen e informalitetit dhe organizimit të kundërligjshëm të lojërave të fatit, kanë vijuar të ushtrojnë kontrolle në ambiente të ndryshme të qytetit të Korçës dhe si rezultat, në lagjen nr. 14, kanë goditur 2 raste të kësaj veprimtarie, konkretisht:

Specialistët për Hetimin e Krimeve në Komisariatin e Policisë Korçë referuan materialet në Prokurori dhe filloi procedimi penal në gjendje të lirë për shtetasin Dh. M., 51 vjeç, banues në Korçë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, pasi në një lokal bar-kafe, këtij shtetasi iu gjet dhe iu sekuestrua në cilësinë e provës materiale 1 aparat celular i cili dyshohet se shërbente për vendosjen e basteve sportive.

Gjithashtu, këto struktura referuan materialet në Prokurori dhe filloi procedimi penal në gjendje të lirë për shtetasit V. K., 50 vjeç; K. A., 28 vjeç dhe B. R., 33 vjeç, banues në Korçë, për veprat penale “Vënia në dispozicion e lokaleve për lojëra të palejuara” dhe “Ushtrimi i një aktiviteti tregtar të paligjshëm ose të paregjistruar në organet tatimore”.

Advertisement

Gjatë kontrollit të ushtruar në lokalin bar-kafe në pronësi të shtetasit V. K., rezultoi se ky shtetas ushtronte aktivitetin pa dokumentacionin përkatës. Në këtë ambient, u konstatuan edhe shtetasit K. A. dhe B. R., duke luajtur bixhoz me zare, në një tavolinë të përshtatur. Në tavolinën e lojës u gjetën 9000 lekë, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.