Pas përfundimit të mbledhjes së kryesisë së PS, drejtuesi politik i qarkut të Lushnjes Taulant Balla u shpreh për mediat se kandidati për Lushnjen do të zyrtarizohet ditën e martë.
Sipas tij ende janë në proces konsultimi për emrin e kandidatit për zgjdhjet e 6 marsit.
“Të martën në mëngjes do ta keni emrin. Unë jam drejtues politik prej një kohe të shkurtër në Fier dhe do të dua që edhe ky element sociologjik të përdoret edhe në rastin në fjalë. Ka aq shumë kandidatë që kanë hyrë në këtë proces dhe që unë për të qenë i saktë, bashkë me kryesinë e partisë kemi vendosur të përdorim edhe këtë element.
Nuk u përmbyll dot sot, kjo tregon se ky proces nuk është fake, por i vërtetë. Kryetari i ri i bashkisë Lushnje do të jetë një person që ka përgatitjen e duhur për të çuar përpara projekte të mëdha. Kjo zonë është “hambari” i Shqipërisë. PS garon për t’i fituar të gjashta bashkitë” tha Ballla.
