Pas vendimit për të zhvilluar process zgjedhor në Forumin Rinor të PD, që shkaktoi debatë të forta me strukturat aktuale të FRPD, Lulzim Basha nxjerr një tjetër udhëzim.
Kreu i PD vendosi të fusë në process zgjedhor edhe Lidhjen Demokratike të Gruas së Shqipërisë.
Kryetari i PD Lulzim Basha udhëzoi zhvillimin e zgjedhjeve për kryetaren e LDGSH-së, post i cili mbahet me emërim që prej vitit 2012, si dhe të organeve të tjera drejtuese të Lidhjes së Gruas. Zgjedhja e kryetares së LDGSH-së do të bëhet sipas parimit 1 anëtar, 1 votë. Kjo është hera e parë që anëtareve të Forumit të Gruas u njihet e drejta për të zgjedhur drejtuesen e tyre me votë direkt, njofton PD.
Kryetari Basha ngriti një grup të posaçëm për zgjedhjet në LDGSH, i cili përbëhet nga:
Grida Duma
Arta Sakja
Dhurata Çupi
AdvertisementOrjola Pampuri
Greta Bardeli
Alfrida Marku
Ina Zhupa
AdvertisementEralda Tase Bano
Zheni Gjergji
Ledina Aliolli
Grupi i punës, sipas PD, do të mbikqyrë mbarëvajtjen e procesit për zgjedhjen e Kryetares dhe zgjedhjet dhe riorgarnizimin e të gjitha forumeve të tjera të LDGSH në qendër dhe në degë.
Prej vitit 2012, sipas selisë blu, posti drejtues ka qënë me emerim , post që mbahej në fakt nga Albana Vokshi.
Si Belind këllici që ka drejtuar forumin rinor, ashtu edhe Albana Vokshi që ka drejtuar forumin e grave, janë emra të cilët janë pozicionuar me Sali Berishën dhe mesa duket këto lëvizje të Bashës janë të gjitha në kuadër të pretendimit të liderit historic për të mbledhur Kuvendin Kombëtar në 11 dhjetor.
