Ministri i Jashtëm grek, Nikos Dendias ka folur për raportet e ndezura Turqi-Greqi për çështjen e Detit, por edhe për marrëveshjen me vendin tonë. Në një deklaratë për media, Dendias ka thënë se pret që Shqipëria dhe Greqia do të shkojnë në Hagë në një marrëveshje që pritet të firmoset pas zgjedhjeve të 25 prillit.
I ftuar në Spotlight nga Alban Dudushi, në Vizion Plus, studiuesi I njohur Panajot Barka ka deklarua se kështu çështja e Hagës po shkon realisht në kalendat greke.
“Nuk ka ndonjë arritje. Është thjeshtë një lëvizje diplomatike. Greqia pranon për arsyet e veta në lidhje me marrëveshjen e detit që ka në dorë dhe deklarata e Dendias është shumë e qartë. Thotë që pas zgjedhjeve do të shikohen procedurat teknike për të vajtur në Hagë dhe kjo do të thotë që edhe pse ëhstë e Hagës, po shkon në kalendat greke, sidomos nga pala shqiptare. Dhe ky është mesa duket dhe qëllimi final, që të mos arrihet kurrë marrëveshja e detit midis Greqisë dhe Shqipërisë në ngushticën e Korfuzit.”
