Një anëtar i fisit Bajri ka mbetur i plagosur në një atentat mbrëmjen e sotme në lagjen Dobraç të Shkodrës. Mësohet se i plagosur ka mbetur Admir Bajri, 38 vjeç.
Ai u qëllua me breshëri plumbash teksa po lëvizte me makinë tip ‘Benz’, ndërsa shoqërohej nga e ëma. Atentatorët pasi e qëlluan me breshëri automatiku, u larguan në drejtim të paditur.
38 vjeçari është dërguar menjëherë në Spitalin Rajonal Shkoder dhe ndodhet nën kujdesin e mjekëve.
“Rreth orës 18:30, në lagjen Dobraç në Shkoder, në rrethana ende të pa qarta është plagosur me armë zjarrin shtetasi A.B, 38 vjeç banues në lagjen Dobraç, i cili po udhëtonte me mjetin e tij tip Benz.
38 vjeçari është dërguar menjëherë në Spitalin Rajonal Shkoder i cili ndodhet nën kujdesin e mjekëve.
AdvertisementShërbimet e Policisë kanë rrethuar zonën dhe vijon krehja për kapjen e autorit/ëve.
Grupi hetimor ndodhet në vendngjarje dhe vijon punën për sqarimin e plotë të rrethanave të ngjarjes, fiksimin e çdo prove të mundshme me qëllim identifikimin e autorëve”, njofton policia.
