Zbulohen detaje të reja në lidhje me masakrën në Don Bosco në lokalin e Fatjon Muratit.
Nikoll Sherrniku, personi që policia dhe prokuroria akuzojnë se ka siguruar targat e vendosura në makinën që u përdor në atentatin e “Don Boskos” nuk ka pranuar akuzat.
Ai është marrë në pyetje nga grupi hetimor, por ka mohuar të jetë i përfshirë në atentatin ku mbeti e vrarë banakierja Mimoza Paja dhe u plagosën 6 të tjerë.
Sipas tij, kur ka ndodhur ngjarja në mars, ai ndodhej në burg.
Pavarësisht deklaratës, policia e organi i akuzës thonë se ka prova të forta që e implikojnë Sherrnikun dhe se targat në Gjermani janë marrë para gushtit të 2022, kur u arrestua në Kune të Lezhës.
Nga veprimet hetimore hetuesit kanë dyshime se targat gjermane janë provizore që 28-vjeçari Sherrniku i kishte pasur në një automjet të blerë në Gjermani në 2020-ën.
Kjo makinë me targa provizore ka hyrë në vendin tonë nga 28-vjeçari nga Kosova përmes pikës kufitare të Morinës. Makina rezultonte në emër të tij.
