Gjatë një jave janë asgjesuar 15 395 bimë të dyshuara narkotike cannabis sativa në disa fshatra të bashkive Shkodër, Vau i Dejës, Malësi e Madhe dhe Pukë
Konkretisht 13867 bimë janë gjetur në Pult, Shosh, Shalë dhe Rrethina, Shkodër; 1145 bimë në fshatrat Toplan dhe Vig, Vau i Dejës; 133 bimë në fshatin Kastrat, Malësi e Madhe dhe 250 bimë në Fushë Arrëz, Pukë.
Kjo u realizua falë finalizimit të fazës së njëmbëdhjetë të megaoperacionit policor antikanabis të koduar “Alpe të pastra”.
Në këtë operacion u angazhuan 1500 punonjës policie, të cilët përdorën 5 dronë, 330 automjete dhe 2 skafë, për kontrollin e territorit.
Vijon puna për identifikimin dhe kapjen e autorëve të kultivimit të bimëve narkotike.
Gjatë fazave të mëparshme të këtij megaoperacioni, janë asgjësuar në total 58 184 fidanë dhe bimë narkotike cannabis sativa, janë vënë në pranga 4 autorë të dyshuar dhe janë shpallur në kërkim 9 të tjerë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme hetimore.