Arben Ahmetaj paraqitet në SPAK

Ish-zv/kryeministri Arben Ahmetaj është paraqitur këtë të enjte në SPAK, ndërsa hetimet për të vijojnë.

Ish-zëvendës kryeministri, Arben Ahmetaj, është nën akuzë për 4 vepra penale, atë të “shpërdorimit të detyrës”, “korrupsionit pasiv të funksionarëve të lartë shtetërorë”, “pastrimit të produkteve të veprës penale” dhe “përfitimit të paligjshëm të interesave”.

Më herët, Arben Ahmetaj, kërkoi rekurs mbi vendimet e sekuestrove preventive, për dy vilat e familjarëve të tij,  vilën në Hamallaj dhe atë në Palasë. Kjo kërkesë u rrëzua nga Gjykata e Lartë.

Hetimet ndaj tij nisën pas skandalit të inceneratorëve, ndërsa Ahmetaj ka mohuar akuzat.