E fundit që dorëzoi kërkesën për t’u regjistruar për vendoret e majit, në Komisionin Qendror të Zgjedhjeve, ishte Partia Demokratike me kryetar Lulzim Bashën.
Në dokumentet e paraqitura, është ai i gjykatës që mban datën 1 mars të këtij viti, sipas të cilit i dorëhequri vetëm publikisht, por jo ligjërisht është Lulzim Basha dhe autorizimi që detyrimet e tij për proceset zgjedhore ia delegon tre personave, Enkelejd Alibeaj, Gazmend Bardhi dhe Indrit Sefa.
Autorizimi me firmën e Lulzim Bashës mban datën 18 mars të 2022-it, tre ditë para se ai të deklaronte dorëheqjen nga kryesimi i Partisë Demokratike. Në të vetmin dokument ligjor, ku gjendet firma dhe emri i zëvendësuesit të Lulzim Bashës, ai i Enkelejd Alibeaj, është te deklarata ku angazhohet për respektim të kodit zgjedhor.
Me dorëzimin e saj, në tryezën e Komisionerit Shtetëror të Zgjedhjeve, Ilirjan Celibashi gjenden kërkesat e dy Partive Demokratike, ajo me kryetar Sali Berishën dhe ajo me kryetar Lulzim Bashën. Të dy kërkojnë regjistrimin, për zgjedhjet e 14 majit.
Në dalje përfaqësuesi ligjor i PD-së së Bashës në KQZ deklaroi:
INDRIT SEFA
AdvertisementSEKRETAR PER ÇESHTJET LIGJORE DHE ZGJEDHORE, PD
Do e vlerësojë Komisioneri Shtetëror i Zgjedhjeve, ka Komision Qendror të Zgjedhjeve, është praktikë e përcaktuar në kod, e ndjekur nga të gjitha partitë politike.
Vendimi se cila nga PD-të do të garojë me simbolet e saj dhe emri i cilit prej kryetarëve do të vendoset në fletën e votimit, ai i Lulzim Bashës apo Sali Berishës, do t’i takojë Ilirjan Celibashit.
Komisioneri është deklaruar se vendimmarrja do të bëhet pas verifikimit të ligjshmërisë së dokumenteve të dy PD-ve, që duket se lehtësinë e parë ia dha vendimi i Gjykatës së Apelit, që vulën ja la fraksionit të Alibeaj.
Nga ky vendim do të varet edhe se cila nga PD-të ka të drejtën e komisionerëve dhe përfitimin e parave, që qeveria jep për fushatën zgjedhore.
6 marsi mbyll edhe afatin e dorëzimit të kërkesave të partive për t’u regjistruar për zgjedhjen e kryebashkiakëve dhe këshillave bashkiakë të rinj.
Përveç partive të mëdha, interes kanë treguar mbi 30 subjekte të vogla.
