Aksidenti i rëndë në Elbasan/ 8-vjeçarja që humbi jetën po udhëtonte me nënën dhe motrën, ja si është gjendja e 5 të plagosurve të tjerë

Policia ka reaguar zyrtarisht për aksidentin e rëndë në aksin Elbasan-Peqin, ku humbi jetën e mitura 8-vjeçare nga Maqedonia e Veriut.

E mitura ka qenë duke udhëtur me nënën dhe motrën e saj, ku sipas bluve këto dy të fundit ndodhen në spitan jashtë rrezikut për jetën.

Për ndihmë mjekësore ndodhen edhe shoferi dhe dy pasagjerët që ishin duke udhëtuar në mjetin tjetër, të cilët edhe ata ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave të aksidentit.

Elbasan/Informacion paraprak

 

Rreth orës 16:30, në aksin rrugor Elbasan-Peqin, në fshatin Paulesh, shtetasja T. B., duke drejtuar automjetin tip “Golf”, është përplasur me automjetin me drejtues shtetasin A. H., banues në Kavajë.

 

Advertisement

Si pasojë e aksidentit ka ndërruar jetë një shtetase e mitur 8 vjeçe, pasagjere në automjetin me drejtuese shtetasen T. B.

 

Gjithashtu, janë dëmtuar shtetasja T. B. dhe vajza e saj 11 vjeçe, të cilat ndodhen jashtë rrezikut për jetën.

 

Advertisement

Janë dërguar në spital, për ndihmë mjekësore, edhe shtetasi A. H. dhe 2 pasagjerët që udhëtonin me të, të cilët aktualisht ndodhen jashtë rrezikut për jetën.

 

Grupi hetimor ndodhet në vendngjarje dhe po punon për zbardhjen e rrethanave të aksidentit.