Aksident në Elbasan/ Makina përplas për vdekje 20-vjeçarin dhe largohet nga vendngjarja

Një aksident ka ndodhur mbrëmjen e sotme rreth orës 21:25, në unazën e qytetit të Elbasanit.

Një automjet me drejtues ende të paidentifikuar, ka aksidentuar këmbësorin me iniciale F.S., rreth 20 vjeç, dhe është larguar nga vendi i aksidentit.

Si pasojë, raportohet se i riu ka ndërruar jetë rrugës për në spital.

Nga informacionet paraprake, ende nuk dihen shkaqet dhe rrethanat e plota të këtij aksidenti.

Elbasan/ Informacion paraprak

 

Më datë 23.01.2023, rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit.

 

Advertisement

Si pasojë shtetasi F. S., ka ndërruar jetë rrugës për në spital.

 

Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit.