Aksident me një të plagosur rëndë në aksin rrugor Tushemisht-Pogradec.
Nga aksidenti ka mbetur i plagosur një 27-vjeçar i cili ka qënë i vetëm në mjetin e tij tip Benz në momentin e aksidentit.
Burime policore thanë se i riu ka qënë duke udhëtuar nga pika e kalimit kufitar Tushemisht në drejtim të qytetit të Pogradecit, kur është përplasur me kolonën e një porte të një shtëpie private buzë rrugës. Përplasja ka qënë aq e fortë sa mjeti pasi ka kryer dy-tre rrotullime në ajër, ka përfunduar në aksin e kësaj rruge.
Kanë qënë banorët e fshatit Buçimas ata që e kanë dërguar me urgjencë në spitalin e Pogradecit. Burime pranë këtij spitali thanë se gjendja e 27 vjeçarit është e rëndë, por pa rrezik për jetën.
Në rrugën e re Tushemisht-Pogradec, edhe për shkak të shpejtësisë së lëvizjeve nga drejtuesit e mjeteve, ka pasur edhe aksidente të tjera, kjo edhe për atë sepse mungon sinjalistika horizontale e vertikale.
