Kreu i Shtetit, Bajram Begaj ka kujtuar 25-vjetorin e masakrës së Reçakut. Ai shkruan se viktimat e pafajshme meritojnë lutje nga të gjithë, teksa e konsideron 15 janarit si masakërt që bëri botën të reflektojë mbi jetët e pafajshme të popullit të Kosovës dhe genocidit serb.
“Sot një çerekshekulli nga masakra e Reçakut, të lutemi për shpirtin e civilëve të pafajshëm, viktima të genocidit dhe të krimeve kundër njërëzimit të kryera nga regjimi i Sllobodan Millosheviç në Kosovë.
15 janari 1999, zgjoi botën për reflektim ndaj masakrave barbare që kryheshin në Kosovë.
Kjo kujtesë sot është motiv i fortë për të mbrojtur paqen, sigurinë, lirinë e dinjitetin njerëzor nga çdo makineri dhune që ushqehet nga racizmi, ekspansioni dhe armiqësia ndaj tjetrit”, shkruan ai.
Pamjet e tmerrshme të viktimave nga masakra e Reçakut bën ‘xhiron e botës’, duke bërë që dhjetëra vend të solidarizohen me vuajtjet e popullit të Kosovës dhe të dënojnë agresionin çnjerëzor serb ndaj të pafajshmëve./vizionplus.tv/
