![23 turistë gjermanë, polakë e francezë u bllokuan në “Kanionin e Lengericës” në Përmet/ Shpëtohen nga policia](https://www.vizionplus.tv/wp-content/uploads/2023/09/Capture-196-672x400.jpg)
23 turistë gjermanë, polakë e francezë të cilët kishin mbetur të bllokuar në “Kanionin e Lengericës” në Përmet janë shpërtuar nga policia e qytetit.
Në një njoftim për mediat, blutë bëjnë me dije se turistët janë në gjendje të mirë shëndetësore. Bllokimi i tyre ishte si rezultat i rritjes së nivelit të ujit në këtë kanion nga reshjet e shiut.
Përmet/Punonjësit e Policisë iu vijnë në ndihmë 23 turistëve gjermanë, polakë e francezë, të cilët kishin mbetur të bllokuar në “Kanionin e Lengericës”, Përmet.
Shërbimet e Komisariatit të Policisë Përmet, mesditën e sotme kanë marrë njoftim se gjatë eksplorimit të natyrës në këmbë, 23 turistë kanë mbetur të bllokuar, në zonën e quajtur “Kanioni i Langaricës”, në Përmet.
AdvertisementMenjëherë janë nisur në drejtim të kësaj adrese, bashkë me shërbimet e zjarrëfikësve.
Pavarsisht rreshjeve të shumta të shiut, pas disa orësh kërkime shërbimet e Policisë kanë gjetur 23 turistët gjermanë, polakë, e francezë në vendin ku kishin mbetur të bllokuar për shkak të rritjes së nivelit të ujit në lumin e Langaricës, nga rreshjet e shiut.
Advertisement23 turistët janë shoqëruar për në Përmet dhe iu është ofruar ndihma e nevojshme mjekësore, e aktualisht ndodhen në gjendje të mirë shëndetësore.
Ata kanë falënderuar shërbimet e Policisë, për humanizmin dhe për ndihmën që iu ofruan.
AdvertisementPolicia e Shtetit është e angazhuar maksimalisht në shërbim të qytetarëve dhe të vizitorëve, dhe i fton ata që për çdo rast nevoje për ndihmë, të telefonojnë në numrin pa pagesë 112.