Lulzim Basha ka deklaruar se është i gatshëm të shkojë në SPAK për të dhënë sqarime për ngjarjen tragjike te 21 janarit të vitit 2011. Ndërsa SPAK-u ka nisur hetimet për vrasjen e 4 protestuesve 13 vite më parë, Basha në një konferencë për shtyp theksoi se mbështet Prokurorinë e Posaçme.
Basha iu kundërpërgjigj edhe akuzave të ish aleatit të tij Ilir Meta për përgjegjësinë si ministër i Brendshëm.
Ndërkaq në lidhje me reformën zgjedhore Basha akuzoi kryeministrin Edi Rama dhe kryetarin e PD Sali Berisha se po bëjnë pazar për te mbyllur listat e kandidatëve për deputet.
“Duke qenë se të dy kanë problem me drejtësinë, me mbylljen e listave duan që mos të kenë grupe parlamentare, por grupe kamikazësh që të mbrojnë veten.”
Lulzim Basha lajmëroi vazhdimin e betejës me Sali Berishën për logon e Partisë Demokratike, duke sqaruar se ka çuar në gjykatën e lartë rekursin.
