2 ton kanabis nga Shqipëria drejt Italisë/ Ekstradohet nga Gjermania 49-vjeçari

Një 49-vjeçar me inicialet P. S. u ekstradua nga Gjermania drejt Shqipërisë.

Policia njoftoi se fieraku ishte shpallur në kërkim ndërkombëtar, pas masës së sigurisë “Arrest në burg” që Gjykata e Krimeve të Rënda në vitin 2018 i kishte caktuar.

Ai akuzohet se është pjesë e një grupi të strukturuar kriminal që trafikoi 2 ton lëndë narkotike kanabis nga Shqipëria drejt Italisë.

Gjithashtu u ekstradua Klodjan Zanaj pasi Gjykata e Rrethit Gjyqësor Tiranë, me vendimin gjyqësor në vitin 2019, e ka dënuar me 1 vit e 6 muaj burg, për kryerjen e veprës penale “Mashtrimi”.

Ky shtetas, në periudhën kohore 2016-2017, më anë të mashtrimit ka mundësuar përfitimin e një shume të konsiderueshme parash, në dëm të shtetases J. L., me banim në Tiranë.