![Pak orë para koncertit të Noizy-t/ Paralajmëron Stresi: Prisni tronditjen në fund](https://www.vizionplus.tv/wp-content/uploads/2022/07/noizy-stresi-711x400.jpg)
Reperi i njohur Noizy do të mbajë mbrëmjen e sotme koncertin e tij në sheshin Nënë Tereza “The Alpha Show”.
Në prezencën e rreth 40 artistëve vendas dhe ndërkombëtar, Noizy do të performojë hitet më të zjarrta të repertorit të tij dhe ka paralajmëruar publikun se ky koncert do të jetë më i madhi i organizuar ndonjëherë në Shqipëri, për muzikën HIP – HOP & RAP.
Por, ajo që pritet të surprizojë vërtetë fansat është prania e reperit Stresi, për shumë vite rival i Noizy-t dhe tanimë mik i tij i afërt prej një viti.
Shumë fansa kanë aluduar se prezenca e Stresit në koncert mund të shënojë edhe bashkëpunimin e parë midis dy reperëve, që miqësinë e kthyen në urrejtje dhe tashmë duken sërish të pandarë duke i dhënë fund pakënaqësive.
Dhe pak orë para performancës në skenë, Stresi duket se i ka dhënë zë aludimeve për një bashkëpunim duke postuar në Instastory një mesazh, ku shprehet se në fund do të jetë qershia mbi tortë e koncertit.