Rana e Hedhun në bregdetin e Lezhës është një nga zonat më të frekuentuara nga pushuesit jo vetëm të zonës por edhe ata të ardhur nga Kosova e qytete të tjera të vendit.
Pushuesit thonë se u pëlqejnë kushtet në këtë plazh ndërsa çdo vit e më shumë përmirësimi është i dukshëm. Gjithsesi shqetësim për ta mbeten ndërtimet pa kriter.
Për bizneset e zonës ecuria e këtij sezoni veror është e mirë. Operatorët turistik në Ranën e Hedhun janë të kënaqur me sezonin dhe kanë pritshmëri të larta edhe për muajin gusht.
Rana e Hedhun vlerësohet nga pushuesit jo vetëm për detin e pastër, por edhe për natyrën që rrethon zonën e plazhit.
Advertisement
