E ftohtë apo e ngrohtë, e ëmbël, pa sheqer, me qumësht apo jo, kafeja konsumohet në sa e sa mënyra dhe përfitimet e saj janë po kaq të shumta. Por nëse deri më tani i keni hedhur në kosh, mbetjet e kafesë si asaj ekspres apo turkes, nuk e keni ditur sa shumë keni humbur. Më poshtë Living do të listojë të gjitha përdorimet e llumit të kafesë.
Krem celuliti
Nëse keni përdorur ndonjëherë një produkt të blerë në dyqan që ndihmon në reduktimin e celulitit, mund të keni vënë re se kafeina është përbërësi kryesor. Por nëse doni të përgatisni një krem anti-celulit vetë në shtëpi, mjafton të përzieni pak vaj me mbetjet e kafesë, për të formuar një pastë me të cilën do të fërkoni lëkurën. Përdoreni rregullisht e brenda një kohe të shkurtër do të shikoni përmirësime.
Shkëlqen flokët
Për flokët e errëta, mbetjet e kafesë mund t’u rikthejnë flokëve shkëlqimin dhe fortësinë e munguar. Para se të lani flokët me shampo, hidhni në flokë të lagur, mbetjet e kafesë që keni mbledhur për disa ditë. Aplikojeni direkt në skalp dhe masazhoni rrënjët e flokëve për disa minuta. Më pas shpëlajini normalisht e do të shikoni sa të buta e me volum do jenë flokët tuaja.
Neutralizon aromat
Ushqim për lulet
Mbron bimët nga insektet
Nëse keni probleme në kopshtin tuaj me milingona, ose kërmijtë, përhapni pak mbetje kafeje , pasi era e fortë e saj do të mbajë larg insektet nga bimët tuaja.